吳國敬籲勿搞搞震

吳國敬：「最近佢紅到爆，出晒名啦，個個都係我啲friends，佢想點先？阿爸（志偉）梗係要撐，無限量支持。希望呢條友唔好再搞搞震，一提起呢個就忟忟地、躁躁地。」

佘詩曼：「我唔識黃浩，冇去過佢間餐廳，都唔知喺邊。就算平時去食飯，我都唔會留意有冇閉路電視。（話有藝人吸毒片。）呢個新聞未經證實，唔會回應。」

馬德鐘：「根本就唔識佢，王浩信、黃浩然我就識。上次同徐淑敏一齊出席慈善步行先知佢係佢老公，冇乜接觸，唔會刻意接觸囉！（之前話有藝人吸毒片。）點樣證明裏面嗰啲係毒品？好奇怪！」

范振鋒：「我唔知發生乜嘢事，因為我做司儀，不過對於一對新人嚟講，係會好掃興，不過應該好小事，警察都冇入婚禮。」