葉玉卿讀劇本甩漏

闊別娛樂圈多年的葉玉卿終於復出，接拍曾志偉的賀歲片，她前晚現身尖沙咀某日本餐廳為電影開工，吸引大批傳媒等候。由於天雨關係，劇組安排四位工作人員為卿卿搭起帳篷擋雨護駕，盡顯其地位。卿卿受訪時表示緊張：「初時諗住玩下，但見愈來愈多報道，我都覺得自己要有啲表現。同埋開頭讀劇本好似唔識中文咁，有啲甩口，但依家講多咗都pick up到。」另外，她亦自爆囡囡狂喊：「我一落機佢就傳短片畀我狂喊，我心都裂埋，會考慮接佢到香港。」同場的王祖藍表示飾演卿卿兒子好緊張，更說兒時已有跟對方合照。