苟芸慧否認養新仔

藝人苟芸慧、陳茵媺（Aimee）昨日一起出席活動，二人不約而同穿上閃閃珠片的裙，高貴大方。有報道指與前港男羅天宇分手後的苟姑娘，終於有新仔，不過新仔看似無業遊民，食住行都是要靠女方，對此苟姑娘矢口否認：「佢係我多倫多嘅朋友，佢嚟香港係為咗同女朋友結婚，好唔好意思，麻煩到佢！（報道仲話你好慳家？）我本身係好慳，因為爹哋媽咪退咗休，作為女想畀佢哋更好嘅生活，細佬妹又讀緊書！」問到苟姑娘的感情生活時她即嘆氣謂：「Empty！」看似非常渴望拍拖。
感情生活Empty的苟芸慧（左）和陳茵媺閃爆登場。
感情生活Empty的苟芸慧（左）和陳茵媺閃爆登場。

另一邊廂，和陳豪蜜運中的Aimee就晒命指正為買聖誕禮物給男友而煩惱：「未諗到買咩，佢咩都有！」當記者笑問有否想過送BB給他，Aimee即激動大叫：「梗係冇諗過啦！」場面搞笑！

陳茵媺為買聖誕禮物給男友而煩惱。
  • 陳茵媺為買聖誕禮物給男友而煩惱。