孫耀威 自認貪玩未想做老竇
藝人孫耀威、林德信和組合太極等前晚出席關注腦退化慈善活動，孫耀威表示他婆婆也是腦退化病患者：「我細個嗰陣做數學題，我婆婆可以一路洗碗一路答我，可惜之後傻傻哋，依家佢會打吓麻雀，同埋我大妹生咗個BB，而我喺歐洲嘅細妹過多幾星期都會生，有啲嘢畀佢做下會好啲。」問到何時輪到他生B時，他九唔答八表示自己還十分精壯：「其實我覺得自己腦囟都未生埋，仲貪玩，依家過吓二人世界幾舒服。（到時女友陳美詩變高齡產婦？）會拖到佢嗌唔掂要生為至。」
而林子祥兒子林德信席間與父親合唱《分分鐘需要你》：「我第一次同佢合唱呢首佢嘅經典金曲。（緊張?）依家冇，唔知陣間會唔會。（父子檔收貴啲?）唔知，我淨係投入表演同記歌詞，驚有腦退化。」