石詠莉庭內影相 惹犯法疑雲
石詠莉被抽中做陪審員，本想一盡公民責任，豈料她一時貪玩偷影法庭照，更公然上載到個人社交網站，即被網友質疑有藐視法庭之嫌。當她得知可能犯法後已即時刪除照片，並認錯耍冧。
前組合Freeze成員石詠莉（Sukie）日前收到政府公函被委任為候任陪審員，她本想力盡公民責任，親臨高等法院聽候案件細節。豈料在庭序期間，她因一時貪玩而在法庭內拍照，四日前更明目張膽將照片上載到個人社交網站Facebook及Instagram。照片中清楚見到她所在的法庭掛有香港區徽，以及幾名疑似候任陪審員的「後尾枕」。
已刪除照片
本報昨日收到讀者爆料，指Sukie涉嫌藐視法庭，當她得知惹來「犯法疑雲」後即時刪除照片，並耍冧說：「真係唔好意思，張相其實唔係開庭影，只係等抽籤期間影，但為免敏感，下次都唔敢！」
被法官鬧爆
Sukie稱當日連趕三庭進行抽籤程序，更有幸連續三度被選中。她謂：「我記得第一單係要審十五日嘅強姦案，第二單係審七日嘅傷人案，第三單已經唔記得！最後三單都被抽中，真係六合彩又唔見我中！」，雖然她「連中三元」，但最後因有工作在身而申請豁免，但當場被法官鬧爆。她說：「即時同個官講我係Artist，好多工作都簽咗合約，但佢都鬧我『嚟得唔係應該得閒咩』！」
文：音樂組