2010年國際中華小姐季軍張慧雯（Candy）前晚凌晨時分在落馬洲因涉嫌藏毒被捕，曾與Candy合作拍攝劇集《On Call 36小時》而傳緋聞的魏焌皓，對此事件十分震驚，他說：「佢畀我感覺好乖，好少聽佢去夜場，係會晚晚返屋企瞓嘅人。（會安慰佢？）會呀，會打畀佢問吓發生咩事，Ｏ唔ＯＫ。當然最希望係唔關佢事啦，始終涉嫌藏毒係唔應該嘅行為。」而曾跟Candy傳緋聞的羅仲謙，表示自己剛回港，對此事並不了解，他表示不方便評論：「我同佢私下冇聯絡，不過覺得佢係一個勤力工作嘅女仔。」