Mr.通宵狂奔廿小時
樂隊Mr.日前為新歌《方向感》拍攝MV，由於MV在深夜取景，完成一整天密密麻麻的工作後，五子即要馬不停蹄「通街跑」通宵拍攝，連踩接近20小時！他們捱更抵夜在香港各區喪跑，當中更要跑凹凸不平的電車路。直至清晨，他們終跑到目的地飛鵝山，汗流浹背的五子更比賽鬥快跑上山頂，最後由一向有練習夜跑的Dash勝出！
主音Alan則自爆最近愛上跑樓梯：「之前屋企停電，要跑上廿幾樓，加上聽聞校長（譚詠麟）之前都係跑樓梯減肥！」由於新歌講述迷失後尋覓方向，曾多次被指抄歌的五子坦言曾有迷失的時候：「嗰時寫歌真係有所顧忌，有種無形壓力！」幸好，他們最後都能放下心結，堅持理念而懶理是非。