徐偉棟恨親湯怡
影星徐少強及雪梨之子徐偉棟入行不久，即有機會在英皇電影《紮職》中擔演重要角色，身形健碩的偉棟被分配做打手，可謂「遇神殺神」，他說：「角色都有兩面，平時好純良好正直，但打起上嚟就好狠！」偉棟的性格跟角色同樣見義勇為，他亦自認年少氣盛，小學時代經常打交：「細個坐唔定，會幫人出頭，好在都只係皮外傷，屋企人知道當然嬲啦！阿婆最錫我，打我打得最勁。」
仍是演戲初哥的偉棟表示拍動作戲較文戲易上手，提到與湯怡的感情線是因英雄救美而邂逅，他笑說：「我哋會結婚生仔，不過冇親熱戲囉！（想拍？）唔好嘥吖嘛！有少少會交代得更好！」