辻伊吹想見香香真人

有「翻版羅仲謙」之稱的日模辻伊吹（Ibuki），憑住一副俊臉在廣告界成為新寵兒，早前接拍了銀行和服裝等廣告，對於被指似羅仲謙，初時Ibuki直言不太認識香港明星，當記者將謙仔的半裸胸肌照片給他看，他即笑笑口說：「都幾似樣喎，不過佢大隻啲，我自己唔及佢大胸，不過我都想練大隻啲！」其實Ibuki兩年前曾參加亞洲先生，並奪得「最受女性歡迎大獎」，但當時他決定返回日本繼續事業，兩個月前才再次來港發展，他說：「因為遇到個好好嘅經理人簽咗我，佢教識我好多。雖然我只係識好少廣東話，但為咗嚟香港我會努力學習。」