黃智賢塞翁失馬好惜福

黃智賢（Ben）於上年獲得台慶「最佳男配角」獎項，雖然現時劇接劇，而且戲份也很多，但當問到有否實際增加了搵銀機會？Ben不諱言：「錢真係唔係多好多，講真，攞獎後係加咗人工，計落show錢係多咗，因為戲份多咗自然集數會多，都會比之前賺多咗，以前遇着啲劇得幾集戲份，做足晒都只係得幾個show，又要畀人hold住好耐期，依家收入係好咗嘅。」

增多了登台機會

不過，Ben坦言之前為了拍劇集《雷霆掃毒》，推掉了一部30集的民初內地劇，他解釋：「因為《雷霆》監製林志華一早就同我講咗好重戲份，加上嗰陣《名媛望族》未拍完呢。不過都開心嘅，因為內地劇嘅製作人搵我都係因為之前《潛行狙擊》辣薑一角，雖然接唔到，但見到有人認同自己，都好開心。」

黃智賢上年奪得「最佳男配角」後，一劇接一劇，成績相當不俗。

黃智賢之前為拍《雷霆掃毒》而推了一部大陸劇，他坦言沒感可惜。

Ben表示入了無綫至今還未接拍過內地劇集，問會否感可惜？他坦言：「呢啲嘢要講時機，如果我拍咗，又冇機會拍《雷霆》。呢部劇我拍得好開心，警匪片係我好鍾意嘅劇種，總之冇賺過就唔會恨，呢啲都係數字嚟o架啫！不過，《雷霆》播映之後，的確多咗唔少登台機會。」

視莊偉健為恩師

Ben透露將會跟歐陽震華、關詠荷合演劇集《情逆三世緣》，三人更會有段三角感情線，他謂：「之前拍咗好多部劇都係莊偉健監製的，除了《情逆三世緣》外，好似之前嘅《萬凰之王》、《潛行狙擊》同《名媛望族》，莊偉健都畀咗好多唔同發揮嘅機會我，佢可以話係我嘅恩師。」

採訪：影視組　攝影：秦健輝

場地：Amaroni's Little Italy

髮型：Willie Chan@HAIR CORNER