連詩雅恨做業主 幫阿媽退休

連詩雅（Shiga）出道至今經常被不利新聞纏身，慶幸未有影響形象，深受廣告商歡迎爭相邀她做代言人。Shiga近日為下周二推出專輯《Movin' On》宣傳。由於師姐薛凱琪早前離開華納，問到公司會否投放更多資源在她身上？Shiga笑說：「好開心，今次係出EP，所有歌都會拍MV。（成本多？）係o架，都要多謝公司。」

自覺幸運 收入好轉

問到收入是否三級跳？Shiga說：「當然比入行時好，但好少問公司價錢，永遠都覺得係一個機會，完全信任公司。」年屆24歲的Shiga明白青春有限，她說：「女仔真係青春有限，希望喺呢段時間搏殺，唔好再浪費時間。依家會覺得愈忙愈開心，好享受忙嘅過程。」

連詩雅喜獲公司支持，投放不少資源在其新碟。

連詩雅與母親感情要好。

身為獨女的Shiga感激母親一直支持，希望盡快儲到第一桶金。她說：「大家有種錯覺，覺得呢行好風光，但其實唔係大家所諗賺好多錢。我比較好彩，呢大半年收入好咗。」問到是否有能力置業？Shiga說：「儲緊，希望盡快買到樓畀媽咪住，唔想佢咁辛苦，都想媽咪可以過退休生活。」

髮型：Rite Lam @Hair Corner

服裝：Bread n Butter

文：音樂組