馮允謙唔識「英皇」 驚青耍冧
「巨聲幫」出身的馮允謙（Jay）加盟英皇Music Plus旗下，昨日舉行發布會，同門師姐泳兒和鍾舒漫不約而同以火紅造型出現，正好和Jay的紅Look襯到絕，兩人更送上價值5萬元古董結他及肩頸按摩器作賀禮，Jay便即場邊彈邊唱展唱功。
努力學中文
之後，Jay獲英皇行政總裁吳雨送上寫滿賀詞的字畫，因Jay不懂中文字，吳雨即抵死地指着「英皇」兩字問Jay可識讀，Jay當堂被考起，傻呼呼說：「呢兩個字好熟，我見過。」引來哄堂大笑。對於連公司名字都不識，Jay一臉尷尬解釋：「我因為多數講公司英文名EEG。（驚唔驚老闆嬲？）都驚，真係Sorry！Sorry！會努力學中文。」
自爆冇女友
至於發布會期間播出容祖兒、古巨基、鍾欣桐及監製恭碩良的祝賀短片，祖兒更叮嚀他要乖「唔好學壞」，Jay謂：「不嬲都乖，唔鍾意飲酒，係宅男唔鍾意出街嘅。」Jay堅稱目前未有女朋友，唱片公司亦沒有叫他不要拍拖，反而現階段他想專注工作。提到與同公司的羅力威爭新人獎？他謂有機會出碟已好幸運，沒想過要爭獎項。
文：音樂組