陳靜輸獎贏峰頭 配服范曉萱

由寫真o靚模轉型為演員的成功例子寥寥無幾，DaDa有幸成為其中一個，並獲提名今屆金馬獎最佳女配角，與范曉萱、郭采潔等台灣女星一同角逐獎項，她對此感到非常興奮，日前就現身時裝店揀選戰衣，為將於明日舉行的頒獎禮作好準備。見她專攻Tube dress或Deep V款式，上圍澎湃的她似乎想使出「人間胸器」出奇制勝！

太早拎獎添壓力

將出發到台灣的DaDa，坦言心情緊張，得獎信心亦不大，因自覺演戲經驗尚淺，對今次有份提名已覺得賺了，並坦言：「如果依家畀個獎我，反而會有壓力。」多位對手當中，她最看好范曉萱，她謂：「我幾鍾意佢，以前有聽佢啲歌，佢拍電影又可以變成另一個人，好成功，形象好多變。」能夠跟資歷豐富的范曉萱同獲提名，DaDa感到開心，並謙稱是運氣：「唔係因為我演技好，係我遇到個好角色。套戲帶畀我好多，多咗好多戲搵我拍，真係好開心，但會抱學習態度，要努力，否則唔會行得長，希望未來再進步，到我真係夠經驗，我就會想得獎。」

DaDa專挑性感戰衣出征金馬獎。

范曉萱

影后力撐桂綸鎂

DaDa最欣賞的演員是周迅，但談到今屆金馬獎最佳女主角提名人，她就對桂綸鎂讚不絕口：「講到台灣電影，近年最多產同最有印象就係佢，杜汶澤都好鍾意佢。」今屆阿澤同時獲提名男主角和男配角，DaDa坦言擔心票數會被分薄：「但佢點都係我心目中最佳男主角，我亦好想《低俗喜劇》可以獲得唔同嘅電影獎項。」

金馬獎提名 最佳女配角

郭采潔《愛LOVE》

陳意涵《愛LOVE》

陳靜 《低俗喜劇》　

梁靜《殺生》

范曉萱《聽風者》

最佳女主角

白百何 《失戀33天》　

郝蕾《浮城謎事》

何韻詩《奪命金》

張榕容《逆光飛翔》

桂綸鎂《女朋友。男朋友》

文：名人組

攝：吳文聰

服裝：Aolisha