陳茵媺馬國拉票千人撐場

陳茵媺（Aimee）十月尾到馬來西亞出席當地舉辦的頒獎禮拉票活動，以及為無綫劇集做宣傳，同行還有「蘇基」古明華、陳智燊及郭少雲。首到當地與粉絲近距離接觸的Aimee，獲大批影迷支持，她更high爆指商場塞滿過千人，嚇得她口擘擘：「當地fans好熱情，氣氛好到令我哋唔捨得落台，真係好warm。佢哋好鍾意睇港劇，仲好欣賞我哋，估唔到香港以外都有咁多人留意。」
陳茵媺在千人面前獻歌，既緊張又很享受。
陳茵媺在千人面前獻歌，既緊張又很享受。

為食的Aimee又自爆狂食粉絲所贈的甜品：「夜晚食完飯返酒店沖涼，之後又食啲Macaron同Cupcake。（肥咗？）唔知，我唔會理，因為我好易肥又好易瘦，好鍾意食甜嘢，所以都唔可以戒。」提到於千人前大獻歌喉，愛唱歌的她坦言好緊張但也很享受。

古明華（左起）、陳茵媺、郭少雲與陳智燊大受馬來西亞fans歡迎。
  • 古明華（左起）、陳茵媺、郭少雲與陳智燊大受馬來西亞fans歡迎。