王家敏露穿窿底毛術贏師妹

《ATV2012亞洲小姐競選》「港澳特區」12位候選佳麗昨日在商場內舉行才藝比賽，眾師姐如黎燕珊、陳綺明、筱靖、黎淑賢、王家敏等出任評判，各人均盛裝打扮，當中以露粉紅Bra的陳綺明及露肉色Bra的上屆亞姐亞軍王家敏最「吸睛」！

齊真晨先拔頭籌

各佳麗見師姐們搏到盡也不甘示弱，悉數拋胸露肉大跳艷舞，也有佳麗跳肚皮舞、唱歌、表演書法、唱歌劇等搶分數，結果由主修音樂的(5)齊真晨以一首英文歌技驚四座，以43分獲「最佳才藝獎」，(8)于建茹以性感舞衣上陣，跳到跪地，最後與(12)黃一晴同以41分獲雙亞軍。

(5)齊真晨晒歌喉，獲全場最高分數。

(8)于建茹大跳肚皮舞，更跳到跪地。

不過，當眾佳麗一展才能之際，穿上單膊火紅喱士裙的王家敏頒獎後坐下時，竟不慎「露雙底」，除露出黑色的打底褲，更在敏感的三角位置離奇有個窿，令在內的粉藍色間條白色底褲曝光，髀罅邊更連毛毛也不慎露出，認真礙眼；而黎燕珊亦在坐下時同告露底，結果兩人比師妹們更搶鏡！

大師姐黎燕珊（前排右）打底方面卻未能做個好榜樣。

各佳麗不甘示弱，在各評判跟前拋胸露肉，大跳艷舞。

事後記者致電王家敏問她「露雙底」一事，她表現得毫不知情：「人哋都着咗打底褲，你哋唔好諗多咗，我真係唔知，可唔可以唔好出？咁核突！（你仲露毛喎?）唉！唔好咁啦，（咁唔小心！）呢排自己好忙。」問她是否因「洗爛」打底褲而穿窿？她騰雞謂：「唔出奇o架！你咁問我好尷尬，唔好出啦！我冇為意呢啲，Oh my god！」

黎燕珊同告失守

評判黎淑賢對於黎燕珊、王家敏均告走光感愕然：「吓？唔知喎，乜咁嚴重咩！我哋身為師姐真係要做個好榜樣，等師妹有個辦去睇，下次小心啲囉！」而黎燕珊被問到王家敏「露雙底」謂：「唔係啩，今日佢衣着都好正常，不過呢位師妹向來比較亂，我平時都好似教女咁教佢，等我再教吓佢。」

另外，早前有亞洲先生因證件過期而涉違反逗留條件被遣返，一眾候選亞姐當中也有不少來自內地，齊真晨因有深圳戶籍故可一證多簽，沒證件過期問題，她認為因亞生太忙而忽略所致；(4)陳彥蓉是台灣人，以學生身份來港參賽，故可在港辦理續簽手續，十分方便。

文：影視組