蔡一傑同性相吸Chok住合照
蔡一傑早前出席李璨琛婚禮，以行動證明與同性密友張耀揚感情未變。前日傑仔單拖買靚衫，除要求將型仔長褸改到最Fit，試衫時更風騷Chok爆。其後他遇熱情男粉絲要求合照，買完衫心情靚靚的他有求必應，Chok冧樣任影唔嬲。
蔡一傑和同性密友張耀揚日前出席李璨琛婚禮，散席時兩人更大方與黃子華、鄒凱光合照，證關係不變。事後傑仔出席活動時提到耀揚時更非常風騷，直認與對方是認識27年的好友。
即場改衫
友好關係被揭後，前日下午5時許，傑仔風騷地行街買靚衫，雖然身邊未見耀揚，但無損靚爆心情，入到店內不停試型仔長褸。身為熟客的他更有店員貼身服侍，即場為他改窄衫袖兼收腰，大可以騷Fit爆身形氹密友。貪靚的傑仔穿起新裝頻頻擺Chok爆甫士，繼而對鏡自我欣賞。揀啱心水，他即掏出銀包付款，一臉滿足地步出時裝店。
心情靚靚又買到心頭好，傑仔離開店舖時發現記者，即時笑晒口兼熱情揮手。此時剛好有男粉絲上前邀他合照，傑仔一口答應，更應對方要求齊齊Chok樣玩自拍，果然人逢喜事精神爽。
文、攝：追蹤組