鍾嘉欣儲夠歌 開騷搶sing勢
鍾嘉欣日前推出的新碟短短一星期已登上銷量榜冠軍位置，她昨日出席唱片宣傳，身為老闆的何哲圖現身支持，打了強心針的嘉欣透露有望明年舉行處女演唱會。另外，鍾嘉欣今年有4套劇播出，但未能入圍「我最喜愛的電視女角色」十強，有粉絲就此為嘉欣抱不平。
鍾嘉欣昨日出席新碟宣傳活動，吸引不少歌迷到場打氣，被指對嘉欣寵愛有加的唱片老闆何哲圖依舊陪伴在側。嘉欣表示新碟開售一星期已奪得唱片舖銷量榜首位，令她超級開心：「呢隻碟係我最鍾意，亦係最貼切我人生，都算完成我嘅願望。」她表示希望明年可以開到首個演唱會，她說：「首選係九展，因為座位唔太多，亦唔太少，啱啱好，出道4年都未開過，依家儲夠歌希望開到。」
睇好楊怡攞獎
問到緋聞男友伍允龍可有買碟支持？她說：「佢係緋聞咋！所有朋友都支持。（佢有買碟？）問佢先知。」醒目的她即拉開話題表示今年是豐收年，對於有份角逐「最佳女主角」，嘉欣說：「冇乜信心，但睇好楊怡，因為一向都鍾意佢演技，同埋我哋係好姊妹。」提到陳茵媺於劇集《天梯》屬女配角，但就角逐女主角獎，她說：「問公司，我哋演員好被動。」
呻做演員被動
另外，有讀者為嘉欣平反，指她今年有4套劇播出，但未能角逐「我最喜愛的電視女角色」，嘉欣說：「失望係有，以為有4套劇推出排行榜都會好好，點都有部有機會，尤其係《護花危情》。（覺得被剝削奪獎機會？）係失望，但做演員係被動。」
文：音樂組