6號晒恩愛生仔拖住先
樂隊Rubberband成員6號昨日在香港仔鄉村俱樂部舉行婚宴，他以灰色西裝示人，太太Tim Lui則穿紅色露背晚裝。問到有否造人計劃？6號笑說：「暫時冇，因為依家係事業發展期，等多幾年。」之後6號應記者要求與太太親吻合照，盡顯夫妻恩愛。
吳雨霏（Kary）及小肥有份出席婚宴，Kary笑說：「我哋會灌醉6號，但我唔擔心自己會醉，因為我都幾飲得。」小肥則踢爆新郎哥眼淺：「之前佢哋兩個註冊，都係6號喊先，之後佢老婆先喊。6號乜都喊一餐，關感情事嘅就喊。」而Rubberband其他三位成員隨後到場，泥鯭表示會送USB手指給6號。問他們會否即席獻唱？泥鯭稱若興之所至都會唱。
