孫耀威撐女友靚唔使整

孫耀威昨日以兒童基金香港委員會大使身份出席支票遞交儀式,曾到中國與非洲等地作親善訪問的他說:「試過有個BB死喺我面前。(因為咁唔敢生?)未來太太願意,生幾多都得,不過依家要努力儲錢同身體能量。(儲幾耐?)係儲心理,自己仲大細路。(女友陳美詩性感出席台慶?)台慶個個都隆重其事,佢咁好身材,益大家咪好!」對有指美詩變得鼻高下巴尖,疑似整容?他力撐女友:「只係化妝師重手咗,(接受整容?)唔會唔接受,但佢咁靚女唔使。」

另邊廂的李玟則以兒童基金會慈善跑2012大使身份撐場,問到何時生BB?她說:「生BB係天意,老公都有兩個女,我哋順其自然,而且每個人生階段都唔同,現階段我哋專注工作先。」