陸永EQ變高唔嬲曲赤
組合農夫前晚假九展舉行talk騷，吸引謝安琪、黃子華及曾傳不和的舊唱片公司老闆何哲圖（Herman）等亦有捧場。農夫開騷時以自己個唱難產一事，自嘲是樂壇創舉：「黃子華嗌咗廿年回水都冇得回水，我哋先回水後開騷！」兩人再笑言：「人哋諗住喺紅館開騷，我哋已經諗緊紅館Can Show（Cancel），2013年我哋喺紅館開十場，即日宣布取消，Herman有冇興趣投資？」C君並說除了個唱取消外，連婚姻亦取消，陸永說：「有條女唔足夠結婚，有個女就得喇！」C君續說：「我都唔明點解，求晒婚應承晒，咁多年感情都走咗去，你（指舊女友）話去旅行散心，但同咗好朋友一齊。」在旁的陸永即說：「咁人都有需要嘅。」
自爆再做老竇
陸永結婚後，其太太與曲赤舌吻的照片被流出，陸永說：「個個都問我生咗個女有咩唔同，依家拎支槍指我個頭我唔會嬲，拎AK47指住都唔會，何況係『曲赤』？」陸永更自爆即將有第二個小朋友！此外，騷上又以反日示威及反國教等時事作話題。
農夫於騷後訪問中表示很高興黃子華來捧場。再做爸爸的陸永謂太太懷孕未足三個月，但前晚亦有現身支持。問到在旁的Herman是否會投資農夫的個唱？他謂會，並大讚對方演出落力。
文：音樂組