成龍跣腳 麒麟臂保命

成龍在他第101部作品《十二生肖》中繼續搏到盡，多個動作場面全部都親身上陣。

《十二生肖》橫跨多個國家取景，其中一場成龍以一身全黑神偷look，在法國偷走十生肖獸首的場面，需要在沒有任何安全措施下變身蜘蛛俠，於八層樓高的古堡屋頂上飛簷走壁，跳來跳去，又危坐於大屋上狹窄的露台邊。

嚇親工作人員

不論身手多敏捷，意外總是難以避免，拍攝時當成龍要跳到一面牆上，準備以手抓住簷篷，以腳支撐身體時，因牆身沙石太多而不慎「跣腳」，但拍攝經驗豐富的成龍立刻展示出他的臂力，以雙手抓着簷篷，承受着凌空的身體，一步一步爬到露台上，有驚無險，令在場的工作人員都睇到驚心動魄。

郊外美景吸引

雖然在屋頂上險象環生，成龍卻被法國郊外的美景吸引住，遲遲唔肯落地，成龍說：「大城市嘅夜景見得多，但係好似法國呢片綠草如茵嘅大自然，又係另一種美！」

這齣奪寶動作喜劇拍攝歷時超過一年時間，身兼導演及男主角兩大要職的成龍，事事親力親為，除了現場指導外，動作場面都非常落力，一定能滿足戲迷的期待。

文：影視組