孫耀威除剩底 色誘陳威全

馬來西亞歌手陳威全終於夢想成真，前晚假九展舉行由hEhA Music主辦陳威全香港「傾聽Music Night」，愛妻Jenny及一眾圈中好友如王君馨、高皓正、謝文雅等現身撐場。甫開場，官仔骨骨的威全唱出多首名曲暖場，繼而與好友葉文輝（啤梨）施展勁歌熱舞，令全場氣氛升溫。啤梨更大讚威全，他說：「佢學咗一個鐘就跳得咁好，真係好有天分！」

老婆呷醋

識做的威全又唱出不少膾炙人口的廣東歌冧粉絲，尤其唱到《你的名字我的姓氏》時，在觀眾席的太太更一臉冧樣跟住唱，場面感人。而全晚的焦點可算是威全與好兄弟孫耀威（Eric）的合唱環節，兩人搭實膊頭邊唱邊攬，斷背味極濃。風趣的老孫還自嘲為威全的「小三」，皆因兩人臨瞓前都必定會煲電話粥，搞到威全的老婆都大為呷醋。

陳威全與啤梨勁歌熱舞。

馬來西亞歌手陳威全唱功了得，前晚首次來港，在九展開騷。

碌大眼(目及)

談到兩人的兄弟情，鬼馬的老孫大爆二人曾共度一宵，他說：「威全嚟香港嘅時候，住喺我屋企，我就好似佢男朋友咁，沖完涼淨係着住條三角底褲，走上床同佢傾心事！」問到威全當下反應如何？他笑言當然碌大對眼：「我好驚喜！點估到平時喺銀幕咁靚仔嘅Eric，竟然會唔着衫企係你面前！」

（左起）李卓庭、高皓正、謝文雅

王君馨穿低胸裝來撐場。

文：音樂組

攝：秦健輝