程小東：大命兼好彩
金牌武指程小東對於黃曉明因威吔出問題而跌傷，他指拍吊威吔戲，即使幾小心都不會百分百安全：「事前嘅檢查好重要，因威吔會有金屬勞損，我平時啲威吔用一、兩次就唔會再用。今次《白髮魔女》因大風引致吊臂偏移，威吔脫離滑軌出意外，係好罕見，可能非常大風再加上吊臂吊到有一定高度，先會出意外。（有冇得避免？）呢啲好難控制，突然間大風，冇人會知，吊臂一畀強風吹自然會搖動。」
他又說以遇到威吔意外而言，曉明今次傷勢不算嚴重，算是「大命兼好彩」亦希望曉明早日康復。
康復期要半年
內地小生黃曉明於三米高處墮下，造成「左腳粉碎性骨折」，關嘉美醫生表示：「『粉碎性骨折』指骨部碎晒，係好痛！一般都要做手術同打石膏，相信佢都有排行唔到路，需要坐輪椅同拐杖去協助走路，而康復期至少需要半年。」因曉明被醫生診斷其兩隻腳趾骨折，雖然暫未知道受傷的是哪兩隻腳趾，不過她表示腳趾公對平衡的影響性最大。