李冰冰貴氣烈女
型格的Masculine打扮在今季特別流行，恤衫、西裝褸加西褲都能輕易打造中性Look，為女性增添一份剛陽味。今年各大時裝品牌的秋冬系列均有設計中性Look的服飾，其中四個骨的鬆腳褲就是熱爆Item。不過七分長度的褲並不易Carry，Cutting和質料都十分重要，如果雙腿夠長夠Slim當然沒問題，否則雙腿很易顯得肥了又短了，可能要配襯高踭鞋來拉高雙腿線條。名模陳嘉容大讚李冰冰穿出Elegant感覺，剛柔並重，陳慧琳配搭恰到好處，非常有型。
李冰冰
「比較斯文、Elegant嘅中性Look，襯all back髮型感覺好舒服好乾淨，有女性嘅嫵媚，同時又有男性嘅剛陽味。件衫唔易Carry，但係佢夠瘦，着得好好睇。條褲嘅Cutting好靚，成個Tone都好襯，演繹出簡單就是美。」
伊能靜裸得靚
裸色近年大行其道，台灣女星伊能靜與內地女星黃奕就不約而同選了這條裸色晚裝出席活動，不過Eunis就認為伊能靜演繹得漂亮些。Eunis說：「伊能靜條裙Fit size，大方高貴，髮型亦Set得靚，啲Accessories都好襯。黃奕條裙明顯大得滯，Carry唔到條裙，顯得佢更矮小，髮型亦都好娘。」
何韻詩
「中性打扮好襯佢，佢不嬲走中性加有型路線。套衫本身好靚，不過對鞋出咗事，唔好襯Ankle boots，換對高踭鞋會好睇好多，依家對腳顯得短咗，換對勁高嘅灰色Platform鞋，型得嚟身形比例亦會更修長。」
容祖兒
「幾cute，牛仔Look，幾有型。七分褲襯對咁高嘅高踭鞋，條腿都會顯得長啲，高挑啲。件衫夠修身同條褲夠窄，有番女性線條美，望落成個人都好修長。頂帽亦襯番個牛仔Look。」
謝安琪
「幾有新鮮感，同佢平時嘅Girly Look唔同，不過條褲就鬆得滯，如果換條窄啲嘅褲會仲靚，依家顯得個人肥咗又矮咗，無咗線條，通常上闊下窄會好睇好多，或者改窄啲件西裝，上窄下闊都可以。」
Janice Man
「好似鄰家小女孩，無咗佢平日有嗰種星味，佢平時Girly打扮好Sharp，好靚女，但佢呢身中性打扮就失去咗啲艷光，差啲認唔到佢係Janice Man。」
徐濠縈
「幾得意，係佢咁特別嘅Style，又夠瘦先Carry到，玩得起，係佢一向嘅Style，加埋個Bob頭幾可愛。」
陳慧琳
「OK，好有型，佢夠高夠瘦，好多衫都好易Carry到，佢夠高Carry到咁長嘅褸，由頭到腳嘅配搭同顏色都match得恰到好處，髮型化妝亦都好襯。」
陳嘉容Profile
陳嘉容，香港著名模特兒，曾為各大國際品牌行時裝騷，在時裝界打滾多年，對時裝方面的認識無論是理論還是實戰都難不倒她，近年更為電視時裝節目擔任主持，化身Stylist教人配襯衣着打扮。