劉浩龍護祖兒：佢心情OK
自何韻詩發表出櫃言論後，即有網友懷疑其蜜友容祖兒是雙性戀者，有指祖兒因阿詩一句「好難答」情緒跌入低谷，其男友劉浩龍（師兄）昨日首度開腔表示祖兒心情OK，至於師兄與阿詩曾拍拖的傳聞，他即避談表示不想再講。
昨日祖兒男友劉浩龍（師兄）與Eric Kwok（郭偉亮）到電台宣傳新歌，提到阿詩出櫃後，令他與祖兒、阿詩關係更加複雜？師兄說：「每個人都有公平權利去愛別人，只要夠真心，任何人都值得去愛，加埋勇氣一定可以得到幸福，祖兒心情係OK嘅。（冇傳聞咁崩潰？）OK嘅，放心！（安慰佢？）OK嘅。」有指祖兒與阿詩割席，她可有嬲阿詩？師兄謂只可回答自己的看法，別人的事別人答，他嬲阿詩？師兄即說：「唔會，唔會有呢件事發生喺我身上。」有指師兄與阿詩曾拍拖的傳聞，他迴避說：「呢啲真係唔好再講，我唔識講嘢，呢件事只會愈講愈錯！」
甜蜜錄歌
有指師兄與祖兒日前到日、韓蜜遊，是否玩得開心？表現風騷的師兄卻不願多談：「公司話難得上嚟做訪問，希望講多啲工作上嘅東西，私人嘢就低調啲，希望大家都支持我。」在旁的Eric Kwok則大爆師兄的新歌非常甜蜜，聽到毛管戙，師兄即說：「Eric仲話如果我唔係佢朋友，佢講粗口呀，佢話會打x我！（祖兒好支持你嘅新歌？）好多人都支持，個個都多謝。」
Eric與老婆葉佩雯（Grace）將於下周五（23日）舉行婚宴：「會擺三十幾圍，兄弟團有十人，包括陳奕迅同梁漢文等。」但好友謝霆鋒因工作未能出席。會否邀請張栢芝？他說：「唔知，要問Grace，佢全權負責。」
文：音樂組