歌手藍奕邦日前到電台宣傳新歌，他表示新歌反應很好，連他自己都「大跌眼鏡」，他說：「估唔到首歌咁受歡迎，我以為呢啲80、90年代風格嘅歌會冇乜人留意。」預計年尾出碟的他坦承沒有壓力：「都冇乜壓力o架啦，依家重點都唔止係唱片，自己仲會登台同幫人寫歌。」
提到新碟進度，藍奕邦苦笑表示好慢，皆因欠落好多「歌債」，晚晚要通頂寫歌還債，所以成日捱夜。而為了應付寫歌壓力，他自爆有一特別嗜好：「我keep住每個禮拜都會去刮痧，刮完之後好瞓咗，壓力仲少咗添。」
