蔣家旻生日執「金」好窩心

藝人蔣家旻上周六（10日）23歲生日，生日當天拍廣告搵真銀，獲同場的周家蔚、陸詩韻及陳倩揚為她慶生，令她覺得今年的生日別具意義：「生日有一大班工作人員陪我過又有廣告拍，熱熱鬧鬧幾好吖。係一份特大生日禮物，工作人員仲為我炮製驚喜，安排咗個金箔生日蛋糕，品牌老闆仲封咗封生日大利是畀我，好窩心呀！」
蔣家旻喜獲陳倩揚（左）、陸詩韻為她慶祝生日。
蔣家旻喜獲陳倩揚（左）、陸詩韻為她慶祝生日。

家旻的生日願望是日日開工，反而不恨拍拖：「我係名副其實嘅『宅女』，有時間都情願陪屋企人或者約好朋友見面。況且呢輪我有份演嘅《大太監》熱播中，《愛．回家》亦加到三百集，專注事業發展多過恨拍拖。」

蔣家旻化身日本妹。
  • 蔣家旻化身日本妹。
生日拍廣告，蔣家旻（前）好開心。
  • 生日拍廣告，蔣家旻（前）好開心。