周柏豪落力開騷迎接新年

周柏豪日前出席歌迷為他舉行的28歲生日派對,早前痛失婆婆的他坦言受很大打擊,雖然年底再度舉行演唱會,但他卻以「好唔開心」總括今年心情,專業的柏豪強調不會受情緒影響而Hea做個唱,並向歌迷大派定心丸說:「絕對唔會留力。」

周柏豪於本周一(11月12日)度過28歲生日,由於當日他已安排與家人及好友食飯慶祝,歌迷即提早於上周六舉行生日派對暨歌迷聚會,吸引200多名歌迷參與,忙於年底個唱綵排的柏豪抽空3小時與歌迷玩遊戲及切蛋糕慶祝,玩遊戲期間柏豪多次向歌迷通水,搞到其他歌迷打爛醋埕。

遺憾少見歌迷

出道3年的柏豪坦言近年因工作關係少參與歌迷聚會,他說:「呢2年去咗唔同地方做嘢,所以見歌迷時間少咗,唔似初出道成日見,所以有少少遺憾。」問到有否遭歌迷投訴?柏豪說:「咁又冇,反而投訴個唱加場,搞到佢哋原本買嘅尾場,依家唔係最尾嗰場,不過都多謝歌迷一路以嚟嘅支持,冇佢哋買飛,都唔會加到場。」

想加開倒數場

柏豪坦言2012年對他來說非常不開心,他說:「2012年快啲過,因為好多唔開心嘅事,包括朋友同婆婆。(婆婆過身最大打擊?)係o架。」問到會否因痛失婆婆影響個唱演出?柏豪說:「應承大家一定唔會,我絕對唔會留力,會做到最好。」由於他的3場演唱會反應熱烈,問到會否加開12月31日倒數?柏豪說:「想,如果加到應該好High。」

文:音樂組 

攝:謝國華