倪力來港發展小肥教路

有澳門「情歌王子」之稱的倪力(Nick)單拖來港發展,與小肥「friend底」的他獲好友教路,決意在香港重新出發做「過江猛龍」!Nick與小肥一樣隻身從澳門來港,他直言有向小肥請教,而小肥亦相當樂意教路。Nick說:「小肥提點過我要誠實同謙虛,我自己亦明白要時間去重新適應,以一個新人嘅態度去學習,以後有機會我都想同小肥合作。」

讀design出身的倪力識作曲之餘,又演出過音樂劇,又做過電視節目主持,不過這位「全能藝人」卻自告奮勇要求專注做音樂,他說:「我自己都好熱衷鏡頭前嘅工作,我亦ready好做各方面嘅嘗試,不過自己反而想做好音樂呢部分先,希望大家可以記得我把聲先。」