黃子菲袁聖殷 揀衫心有靈犀
今年初嫁律師榮升「人妻」的黃子菲（Ava），婚後簽約林小明旗下寰宇，成為女星江若琳師妹，事業心重的Ava為闖影壇狂接job，就連度蜜月都冇時間，最近終於「排期」下月成行，目的地為巴黎和西班牙等浪漫勝地。
Ava非常重視這次歐遊，日前更相約好友o靚模袁聖殷（CoCo）到銅鑼灣「濕平」，可惜CoCo開工要遲到，她只好單拖專攻性感睡衣，似乎準備以「戰衣」在度蜜月期間向老公施冧功，留下浪漫回憶。之後CoCo現身，然後好姊妹翹手行街街，在時裝店裏更心有靈犀揀埋同一款衫，齊齊照鏡恍如孖女。
