林德信街頭賣唱谷處男碟
林德信（Alex）遺傳父親林子祥（阿Lam）的音樂細胞，兩父子對唱歌可謂「愛到發燒」，Alex藉處男新碟推出，有意倣效外國藝人街頭擺檔唱歌賣碟，為自己爭取曝光率兼唱Live的機會。
Alex首張專輯終於11月推出，父親阿Lam對兒子的專輯可有意見？Alex開心說：「前幾日阿爸打畀我，話聽咗我一首歌《Magic》話幾好聽。」能獲得寡言的父親幾個字的稱讚，Alex已感莫大鼓勵。
新人王頂頭大熱
對新碟的反應，Alex稱不會期望太多，因歌曲做得好與壞已經塵埃落定，反而會注重自己演唱時的表現。
提到因唱片公司與無綫問題未解決，而少了宣傳機會？Alex表示：「我想喺蘭桂坊街頭賣唱，好似啲外國街頭藝人咁，放自己將唱片，彈住結他一邊唱歌，現場用歌聲吸引大家買我隻碟，亦令自己有多啲唱Live經驗。」
至於Alex的音樂造詣配合其靚仔外形，成為今年頒獎禮「新人王」的頂頭大熱，Alex即一臉靦覥說：「呢啲我唔知呀！（攞完新人獎，到第二年就要爭男歌手或者歌曲獎？）有壓力係好事，係一種推動力。」Alex自爆小時候不懂欣賞父親的歌曲，長大後，才感受到父親的音樂很特別，敬佩之情油然而生。Alex表示與父親已試過同台演唱，但很想有一首屬於兩父子的歌曲，希望將來能實現心願。問到新碟可第一時間送給父親？Alex笑言：「要佢去自己買 ！」
不因獎項玩音樂
父親阿Lam獲獎無數，家中是否放滿各大獎項？Alex竟謂：「冇喎，一個都冇見過呀！其實我、阿爸、細妹、Sally（葉蒨文）同媽咪性格都唔愛鬥，雖然攞到獎當然好，對我嚟講我嘅音樂能夠感動到一個人，我都好成功，唔會因為冇獎而放棄音樂。」
採訪：音樂組
髮型：eve chiu@queen private i
化妝：Kirsty Lam
服裝：club monaco
場地：Season Fitness