陳樂榣關島出嫁姊妹喪喊

前「整容三嬌」Freeze成員陳樂榣（Alley）於11月7日，與做生意的圈外男友方先生到關島舉辦婚禮，並在三十多名親友的見證下，正式踏入人生另一階段。

問到男友如何求婚？Alley回應：「都係傳統嗰啲，有花、有戒指。仲記得當日我啱啱瞓醒，我面未洗、牙未刷，佢就同我求婚。求咗一次就OK，大家對呢樣嘢有共識。」

陳樂榣透露不少姊妹都感動落淚。

陳樂榣結婚，眾多好友都有到場祝賀。

同Freeze冇聯絡

Alley透露這次婚禮以黑白色為主，並大讚婚禮現場很美。問她有沒有感動落淚？她笑言：「我冇感動到喊，反而姊妹喊到癲咗。（有冇請另外兩位Freeze成員甄詠珊及石詠莉？）冇呀，其實冇聯絡啦。」她並表示不打算在港補擺喜酒。

老爺奶奶未施壓

另外，她透露暫時與老公享受二人世界，明年才開始全力造人。問到男方家長有沒有催促？她笑言：「老爺、奶奶好開通、好錫我，當我女咁，佢哋唔想畀太大壓力我，愈大壓力愈難有，雖然我知道佢哋個心好想。」

文：名人組