拒再回應祖兒問題
何韻詩昨日接受查小欣專訪，提到祖兒得悉她以「好難答」來回應其雙性戀問題而崩潰，阿詩無奈說：「你可以去問問記者朋友，每次都係佢哋提起祖兒，我作答係完全被動，我又唔可以拒絕回答。（有冇打電話安慰祖兒？）我冇親耳聽到祖兒自己講，所以唔會當真而有任何反應。」
阿詩表示公開承認同志前，已猜到傳媒必會追問她與祖兒的友誼：「我依家做嘅係為同志發聲，係件社會事件，係件必需要做嘅事情。」忠於自己的她，卻影響與祖兒的友誼，會否感可惜？阿詩抽口氣後說：「佢公司表明唔想我提佢，我實在唔方便再回答關於佢嘅問題。」