鄧麗欣等機會：冇提名係好事

每當有人提起鄧麗欣，好多人都用歌手來形容我。其實我拍過二十幾部電影作品，但好多朋友都替我可惜，指我與電影獎項無緣。的確我入行咁多年，拍過好多部電影，真係一次都未有提名過，不過我認為未嘗唔係一件好事，首先我唔會因為獎項而去做某一啲事，起碼獎項對自己來說係一個目標。

我會等待一個機會的來臨，獎項要講求巧遇電影的類型和各方面的配合，現在要做好自己，等待一個角色可以有機會發揮得更好令有機會提名，最重要現在仍可以裝備自己，唔好錯過任何一個機會。

非刻意轉型

坦白講我無為獎項事而感到灰心，過往電影工作所得到的東西已經比我預期中得到嘅多，葉念琛的作品如《獨家試愛》、《十分愛》和《我的最愛》成績其實大家有目共睹。電影的威力真係好強，咁多年後出外登台仲有粉絲叫我電影角色「阿寶」，真係好感恩。

最初我以歌手的身份出道，現在接拍多了電影還到內地發展，其實我不是刻意轉型。不過回顧去年拍戲與唱歌的比例確是七比三，因為我轉投新公司後需要重新調整，加上我在內地知名度不算太高，需要花點時間給大家認識。雖然我近期在內地發展，但看到近期港產片熱烘烘有好成績，自己都想參一份，畢竟我是在香港土生土長。