胡鴻鈞抱抱軒仔 唔怕傳斷背

胡鴻鈞（Hubert）前晚在九展舉行處男音樂會，除了獲家人和一眾巨聲幫到場支持外，公司老闆何哲圖和無綫高層樂易玲更上台頒獎給他。Hubert全晚唱足廿多首歌，更請來師姐鄭欣宜做嘉賓，Hubert笑言未開音樂會前已幻想過要請欣宜合唱，搞笑的欣宜隨即大叫：「你對我有幻想呀？」令Hubert哭笑不得地說：「只係因為你唱歌把聲好似天使。」
胡鴻鈞（右）處男騷有軒仔做特別嘉賓。
胡鴻鈞（右）處男騷有軒仔做特別嘉賓。

接近音樂會尾段，神秘嘉賓張敬軒抱住巨型熊仔現身，Hubert驚喜得蹲在地上哭了！老友鬼鬼的二人先來個愛的抱抱，軒仔更爆料說：「呢條友仔上我屋企彈琴，除咗我冇人敢彈我部琴！」完騷後Hubert表示完全沒想過軒仔會現身：「呢個月搵極佢都唔覆機，我已經嬲嬲哋，原來佢就係想畀呢個驚喜我！（怕唔怕傳斷背？）佢係教後輩！」

胡鴻鈞與軒仔來個愛的抱抱。
  • 胡鴻鈞與軒仔來個愛的抱抱。