被偷錢無損心情 孫泳恩戥好友興奮
朱玲玲好友、第一屆港姐孫泳恩專程返港，前晚盛裝打扮出席剛晶婚宴，戥好友榮升奶奶高興。怎料大前晚她與家人到一酒店食自助餐時，被偷袋有現金的信封，幸最後尋回，未有損失，昨日她亦已錄取口供。孫泳恩昨日表示心情未受影響，前晚見到朱玲玲娶新拖，又能與一班港姐舊友趙雅芝和張文瑛等敍舊感開心。
另外，多位嘉賓均指婚宴很感人，張天愛更數度感動落淚，她說：「啟剛係我由細睇到佢大，佢好乖，喺台上多謝朱玲玲同霍生（霍震霆），晶晶好有內涵，以前我覺得三兄弟中啟山最靚仔，依家啟剛瘦左，覺得佢先最靚仔。（想唔想女兒快啲嫁？）女未成熟，做好事業先。」而與賭王父親何鴻燊一同出席婚宴的何猷亨，離開時指父親身體很好。
