湖水藍晚裝凸顯上圍
剛晶前晚完成世紀婚禮，晶晶數日內先後換上購自英國的婚紗、由Vivian Luk設計的湖水藍色低胸晚裝、Elie Saab香檳色露背拖地珠片晚裝以及紅色喱士旗袍。至於新奶奶朱玲玲分別穿上Valentino桃紅色喱士裙及孔雀綠色晚裝出席註冊與飲宴。
本地著名時裝設計師何國鉦（Dorian）大讚晶晶的香檳色晚裝最為搶眼，他說：「呢件衫又露背、低胸同露腿，已經係賣點，因為佢瘦咗好多，肩膊有少少單薄，呢件衫有袖着得佢好靚。而且個領位開得低，啱啱好可以襯番佢條頸鏈。加上佢個妝幾濃，襯到條裙，大方高貴。至於湖水藍條裙本身好靚，顯得佢腰瘦、上圍豐滿，但同個濃妝唔襯，晶晶唔揀一般新娘子會揀嘅粉紅色，而揀藍色，幾特別。件婚紗都好靚有懷舊感，但個色係偏舊嘅象牙白就唔係太好。」
Dorian認為朱玲玲所選兩套衫也很切合新奶奶身份：「桃紅色好大方得體，顯得佢容光煥發。至於孔雀綠都幾蝦人着，但好襯佢，高貴得嚟又唔會搶咗新娘子鏡。」