鄧健泓情傷殘爆
鄧健泓與孫耀威昨出席沙灘Band Show，早前與龔嘉欣分手的鄧健泓，面容憔悴，但他否認受情傷所致，只是拍劇捱到凌晨三點。問他是否以工作麻醉自己？他謂：「唔係，都要做o架！我同龔嘉欣仲有聯絡。總之佢好好，分手唔涉及任何人，我哋和平分手。（心急搵第個？）隨緣。」鄧健泓還指自己稍後會推出唱碟。
同場的孫耀威被問到與女友陳美詩是否喜歡曬太陽？孫耀威表示：「我天台有得曬，個位冇人見到。（裸曬？）有。（同女友一齊？）唔會，我哋有界線，會輪流曬。」歌手羅力威昨晚到場，他說：「我唔抗拒唱快歌、跳舞，但要下年先諗。（有冇約緋聞女友雨僑行沙灘？）天氣好凍，唔講佢喇！」