區文詩靠Stephy開解
前Cookies成員兼Stephy好友區文詩（Angela），對於Stephy和方力申這段愛情長跑大為讚嘆：「佢哋都係圈中幾模範嘅一對，佢哋從來都唔會有太大嘅困難，就算有都能夠自己解決，第二日就好番，冇隔夜仇。」Angela覺得Stephy是典型的天秤座性格：「佢好多嘢都冇所謂，唔似我咁好執着，同埋佢好冷靜，比我仲要成熟，佢個人又不慍不火，我有好多感情問題都係搵佢幫番我轉頭，佢啲理論可以令到我大事化小。」
談到早前Stephy跟小方傳完「婚」訊又傳「分」訊，Angela說：「我覺得啲傳聞直情係癲嘅，唔係真。（咁知唔知幾時結？）Stephy係一個極度事業心重嘅人，應該冇咁快。」最後，當問她何時知道二人拍拖時，她表示因太久已忘記：「應該係佢講我知，不過我通常對我身邊朋友，特別係感情問題，我都選擇唔講，就算講咗畀我聽我都扮唔知，哈哈。」
