紅姑祝新人早生貴子
與新奶奶朱玲玲相識多年的鍾楚紅（紅姑）與張天愛均有出席，紅姑恭喜一對新人連生貴子，恩愛到老，問到可有夫妻相處之道教一對新人？紅姑說：「尊重大家。（送咩畀新人？）佢哋話做善事，咁最有意義，又環保。（你同男家定女家熟？）其實我同羅太（朱玲玲）熟。（睇住啟剛大？）都算係。」她未有見過晶晶本人，紅姑對晶晶的感覺是：「國寶嚟o架嘛！」
張天愛則大讚朱玲玲是最美麗的奶奶：「又見到紅姑，好耐冇見大家，我哋都係歷史嘅見證。（之前有冇見過晶晶？）有，佢好好、好純，好專業做一樣嘢，我最鍾意呢類人，佢好似奶奶咁有大氣派。」而慧妍雅集一班朱玲玲的好姐妹王愛倫、陳法蓉、李亞男、曹敏莉等均打扮得性感美麗到賀。
