徐子淇逼老公講愛佢十世

昨晚城中名媛靚女盛裝出席剛晶婚宴，送上祝福，徐子淇與老公李家誠（Martin）拍拖赴會，看似密實的子淇晚裝透出乳貼，側邊還露出白滑纖腰，既高貴又性感。子淇先恭喜新人，Martin就說一家人夾了人情作賀禮，他倆之前可有見過晶晶？子淇說：「之前去旅行撞到佢哋，真係好得意，其實佢哋拍拖嘅時間同我哋拍拖嘅時間差唔多，佢哋好sweet。（覺得晶晶點？）佢好好。（傳授生仔秘方畀佢？）佢係運動員嚟o架嘛，健康強壯。（教佢哋夫妻相處之道？）佢哋好恩愛。」

每次子淇看見人結婚都很感動，她透露日前在報紙看到啟剛表示會愛晶晶一生一世，她即問老公可會愛她一生一世，此時在旁的Martin說：「當然會啦。」子淇笑晒說：「Martin話愛我十世呀，我逼佢講o架。」大晒甜蜜幸福之情。

徐子淇獲老公李家誠應允愛足十世，真係甜到漏。

郭晶晶前晚在南沙婚宴穿上紅色旗袍，高貴大方。

傅明憲谷胸

同樣是幸福豪門少奶的諸葛紫岐亦與老公薛嘉麟恩愛到場，她認識啟剛多年，跟晶晶則見過三次面，諸葛大讚晶晶人好好、好nice，不過比較靜。說到送給新人的賀禮以實用為主：「女仔用嘅。（有咩夫妻相處之道教一對新人？）佢哋相處幾好，好開心，我見佢哋結婚都好開心。（生B心得？）唔好問我，我都唔係成功例子，生BB順其自然啦。」

傅明憲谷胸出席，性感非常。	諸葛紫岐與老公薛嘉麟恩愛到場。	蔣怡晒腿拖男友翁狄森去飲。

傅明憲以超低胸晚裝赴會，露出東西半球谷出四吋事業線，極為性感，至於與首飾設計師男友翁狄森到場的蔣怡，就露出煞食長腿，翁狄森與朱玲玲認識十多年，她戴上由他設計的珠寶出席昨晚的婚宴，而跟朱玲玲認識了卅年的李麗娟大讚新抱、奶奶一樣咁靚，她送上利是做賀禮！

文：名人組