余文樂轉撈攝記影曾江柏豪遊行
余文樂昨日出席時裝活動，由於品牌宣傳活動包括遊街，樂仔就擔任攝影師拍下過程，而周柏豪和資深藝人曾江就有份遊行，現場還出動到警察開路。樂仔表示：「請到曾江參與係意想不到，原本係拍片，但得兩個鐘時間剪唔切，所以我提議影相。」此外，樂仔早前說過考慮告曾與他傳出情慾短訊的o靚模王璐瑤（LuLu），因LuLu又再出言不遜，但日前LuLu就直言不知道樂仔要告她甚麼？對此樂仔說：「唔緊要，由佢講，唔想再畀佢得逞，大家呢行咁耐，知佢咩目的啦！」
曾江則笑言自己夠老所以才獲邀出席是次活動：「咁多後生仔有個老嘢喺度幾好玩。（酬勞好高？）乜行吓都要咁高酬勞，好奀咋！」提到另一位資深演員羅蘭早前為主題公園拍的廣告相當出位，問他是否同樣要出位？他笑說：「好怕出位，想盡量低調，因為出位咗咁多年都夠。」
