林熙蕾為偶像生仔
所謂年少輕狂，曾為自己所愛的偶像做傻事，實在不足為奇！一班名人紅星亦曾為偶像做出很多瘋狂事。性感女神林熙蕾雖是宅男的夢中情人，但小時候是Michael Jaskon狂迷的她，曾想過為對方生小孩。而潮人徐濠縈就對木村拓哉情有獨鍾，見到木村驚到不敢說話！
《護膚品牌活動》
林熙蕾：「我小時候很喜歡Michael Jackson，因為覺得他很帥！他所有唱片、雜誌都會買。而且我常跟媽媽說我將來一定要為他生小孩，還會想生出來的小孩，皮膚到底是白的、還是黑的。那個時候真的愛死他了！」
《品牌發布會》
丁子高：「小學時成日扮譚詠麟，仲學識跳《愛情陷阱》，有次喺屋企搞PARTY，我當住六十幾個小朋友邊唱邊跳呢首歌，覺得自己最瘋狂！」
楊千嬅：「為咗去陳百強記招扮生理痛，諗住走堂去，點知唔成功，學校要我去休息室抖，而唔係放我返屋企。」
《東華三院籌款計劃發布會》
何傲兒：「我細個嗰陣好鍾意梅艷芳，因為我爸爸、媽媽係佢歌迷，所以成日喺屋企聽到佢嘅歌。試過有一次，我自己喺屋企播住佢首《Bad boy》，自己行Catwalk。」
《時裝活動》
李樂詩：「我偶像係我媽咪，生咗小朋友先知媽媽偉大。以前有好多拗撬，依家會對佢好啲。不過佢住喺加拿大，有時間會帶囝囝飛去探佢，。」
汪圓圓：「我家姐汪詩詩好鍾意Backstreet Boys，我會陪佢一齊睇演唱會。同埋叫朋友幫手剪報畀家姐。簡單啲嚟講，我係家姐嘅手下。」
《時裝酒會》
徐濠縈：「我最鍾意木村拓哉！之前飛去日本睇佢演唱會，原本佢哋話去上海開騷，老公（陳奕迅）已經幫我撲咗飛，可惜取消咗。之前佢嚟香港做嘢我去探班，見到佢緊張到眼鏡都唔識除，又唔敢同佢講嘢，不過已經好開心！」
關智斌：「好鍾意周慧敏，會用晒零用錢抽佢嘅閃卡，佢啲閃卡好貴，我試過即刻放售，鍾意偶像又鍾意搵錢。」
洪卓立：「呢件事其實好瘀，我好鍾意陳奕迅，有次唱得好差返後台喊，Eason經過問我係咪畀人蝦？仲安慰我。」
李玟：「我偶像係譚詠麟，細細個時佢住我附近，成日同班小朋友喺停車場(目及)佢，每次都好想同佢拎簽名，但又怕醜唔敢。」