渡邊追殺JC：佢仲紅咩？
已來港多次的日本名模渡邊知夏子曾公開嘲Jessica C.（JC）「打假波」，導致二人水火不容。今次來港再次向JC發炮，先隔空暗寸她竟然仍能在娛樂圈立足，之後再明寸對方整容欠自然。上次發炮已令JC「受傷害」，今次JC又會否還擊呢？
日本著名模特兒渡邊知夏子昨日出席時裝活動，聯同日模松岡李那、久保杏奈、田代麻衣等行騷。
曾經寸Jessica C.（JC）「打假波」的渡邊被記者比較JC現有男友而她無，她即表示：「咩佢仲紅？有冇男友係秘密，唔介意人哋有冇男友。（唔向外國來的JC請教？）冇興趣跟佢學整容，可以同佢着衫扮靚同香港文化。（日本流行整容文化，點解如此反對？）唔係反對、反感，只係我崇尚自然，唔識呢個範籌嘅嘢。」
唔介意密實
一眾模特兒中，松岡李那以超谷胸成功搶「峰」頭，渡邊不介意更大讚對方勤力肯搏：「佢係香港嘅日本代表，希望向佢學習，自己都想來港發展。」
不過，松岡李那卻自爆tube top谷得緊很辛苦，問是否想賺多點錢而如此搏？她否認：「我鍾意呢個品牌，唔cheap，所以唔介意性感。」
松岡愛唱歌
提到早前被拍得與音樂人陳輝陽深夜見面，松岡李那解釋當時共三人享膳，而大家是朋友關係：「我前男友介紹輝陽畀我識，我鍾意唱歌，希望佢作歌畀我！（覺得佢追你？）唔係，好朋友。」
至於曾傳搭上安室奈美惠的舞蹈員Yusuke，她支吾以對：「佢係好朋友，太遠了，我又唔會返日本。」
文：名人組