趙式芝起革命 推翻歧視
趙世曾女兒趙式芝（Gigi）與波爾錶太子女楊如芯（Sean）開先河公開「結婚」後，Gigi揚言擔起使命想推翻社會的歧視態度。提到阿詩承認是同性戀，Gigi說：「咁要同佢嚟個抱擁，我唔識佢，但不嬲都好欣賞佢。（會唔會覺得你開先河，令佢有勇氣承認？）我諗我冇咁嘅能力。（多啲人為同性戀出一分力？）呢個社會問題要正視，人人平等，要揸緊愛的權利。」Sean則說：「我都好欣賞佢，最重要佢開心。」
另外，曾被指是同性戀的趙碩之得悉阿詩出櫃大表高興：「身為藝人踏出呢一步顧慮可以好多，例如擔心代言問題、工作安排。佢為同志們同埋社會嘅進步，好偉大。」而曾與女性拍拖的莊思敏亦說：「每個人都有選擇自己性取向嘅權利，只要開心，冇傷害人就得。」
