黃耀明讚好友為下一代出力

黃耀明：「佢好勇敢，因為女仔需要好大勇氣先講出嚟，今日身邊好多人嚟支持佢。（日後星途難行？）唔會嘅，因我都經歷過。依家社會好保守，同志好易被歧視。阿詩唔係為咗自己，係為咗下一代。我知道有啲小朋友係同志，但學校老師知道就夾硬要拗直佢，呢啲係咩世界呢？」

黃偉文：「一直以來佢冇刻意隱藏，佢係好忠於自己嘅一個人，我好欣賞佢。我今日出嚟係想呼喚大家對同志嘅意識，唔係去質疑出席者係同性戀定異性戀嘅關係，如果大家仍然斟酌呢個問題，就冇咗宣揚同志意識。」另外，他在微博留言「Proud of you！My Friend！」

徐濠縈：「好開心亦好感動，之前阿詩冇同我講有呢個決定，但我估到，所以叫晒所有阿詩嘅朋友嚟支持佢。佢公開咗終於少咗個包袱，依家21世紀，啲Fans仲點會因為性取向問題而唔支持佢呢！」

慢必：「出台之前，阿詩就話咗我知，我覺得佢好勇敢，同明哥比較，明哥始終事業上面已係喺另一個階段，但阿詩仲係拚搏緊，能夠做呢個決定係好艱難，但公開係好處多過壞處，以後就可以輕鬆面對。」