何韻詩：我係同志
何韻詩昨日藉「同志是敢的」大遊行承認出櫃，在4,000名遊行人士、父母、朋友及唱片公司高層下高呼「我係同志」，成為首位香港女歌手公開同志身份。數度落淚的阿詩坦言等此機會很久，落台後與父母擁抱，場面感人。
繼名人趙式芝公開性取向後，何韻詩昨日宣布同志身份。昨日她一身中性打扮與黃耀明出席「同志是敢的」大遊行，吸引4,000人參與，同場還有阿詩父母、好友黃偉文、徐濠縈、梁漢文老婆Karen及一眾圈外好友，遊行前問到阿詩會否藉此Come Out（出櫃）？她說：「一陣行完再傾。」隨即由銅鑼灣行到中環遮打花園。
全場拍掌歡呼
行到滿頭大汗的阿詩及明哥在終點後台稍作休息後，阿詩便上台獻唱斷背歌《勞斯萊斯》，期間感動得淚流滿面。她說：「今日對我嚟講非常重要，咁多年面對傳媒對我嘅疑問，我覺得冇必要標籤貼喺身上同交代。」她強調因早前的「同志平權」公眾諮詢辯論被否決才站出來：「仍然覺得存在歧視、偏見、片面睇法，再沉默唔係一個選擇，每個人都有好多顧慮，我知道講咗會失去機會、多咗麻煩。」
阿詩續說：「其實呢樣嘢（指出櫃）應該係幾年前要做，只係搵唔到適合機會。今日充滿愛、和平、包容環境下，我有義務同責任為愛企出嚟。」接着她停下數秒深呼吸說：「我好驕傲喺度同大家講，我係同志。」全場拍掌歡呼，成為首位香港女歌手承認同志身份。而明哥、黃偉文等上台攬住她合唱《光明會》，之後更播放她密友容祖兒名曲《我的驕傲》。
祖兒：啱就做啦
阿詩落台即與父母擁抱。問到是否如釋重負？她說：「呢刻等咗好耐，首先要多謝爸爸、媽咪。」問到何時決定承認出櫃？她說：「係呢幾日嘅事。（點同父母交代？）我知我做咩佢哋都無限量支持，尋日打畀老竇同佢講，佢答我，Come咪Come囉！」問到有否預先通知好友容祖兒？她說：「有通知佢，佢話『你覺得啱就做啦』。（叫佢嚟？）唔會，係好個人選擇。」對於有傳祖兒與男友劉浩龍身在日本旅行，阿詩冷淡地說：「唔知，冇留意。（祖兒冇嚟美中不足？）唔會，今日好完美，畀我想像中順利。」活動後，她在微博留言：「今天的我，很快樂。」
阿詩所屬的唱片公司高層郭啟華說：「其實之前同阿詩商議過，尊重阿詩決定同意願，公司好支持。」他強調阿詩與明哥出櫃情況不同，他說：「明哥宣布得好突然。（下個輪到你出櫃？）我一直都好Open，一直唔喺櫃入面。」另外，阿詩緋聞女友舞台劇演員路嘉欣在微博留言恭喜阿詩說：「好耶！Support！」而祖兒經理人霍汶希則說：「祖兒唔喺香港，唔會代佢回應。」
文：音樂組