張繼聰愛share 向Kay說教
「超級隊長」張繼聰（Louis）獲邀上《娛樂on Show》與主持人俞詠文大吃大喝，順道介紹新碟中大愛的信息之餘，又大談「前世今生」的看法！Louis如此熱愛向別人分享想法，難怪他表示太太和囝囝都是他的聆聽者！
歌手張繼聰（Louis）日前被主持人俞詠文（Angela）邀請來到《娛樂on Show》擔任嘉賓，而一向好客的Angela更安排了他們來到位於尖沙咀的餐廳邊食邊聊天！Louis最近就推出了新專輯《We are the one》，大講大愛和大同的概念，而問他碟中的填詞人如小克是否同樣信奉這學說？他說：「呢方面嘅價值觀大家好一致，甚至有啲關於思想嘅堂係一齊上！當中同小克嘅諗法係最接近，因為我哋喺講呢個題材之前已經合作！」
前世功今世享
Louis不時與外間分享關於宗教、哲學的想法，而提到「前世今生」的概念時，Louis說：「好似有啲人冇學過影相，但佢對鏡頭畫面好有才華！其實呢樣嘢係你嘅靈魂學過呢樣嘢，你今世再攞番嚟用！每一個人到世界有啲功用，除咗吃喝玩樂之外，都應該對其他人做番啲嘢！而我覺得今世其中一個責任係同人分享多啲方法，令到大家生活自在啲！」
愛與囝囝交流
而問到太太謝安琪和囝囝張瞻會否支持他研究宗教？Louis即打趣地說：「我諗我老婆依家冇同我離婚，至少佢唔抗拒先！雖然佢都有自己嘅宗教信仰，我照講佢都會好尊重去聽！至於我個仔方面，我會同佢互相交流，有時我教佢嘢，有時自己都會喺佢身上學番啲嘢！」
文：專案組