焦媛獨腳戲 向鳳飛飛致敬

舞台劇演員焦媛，即將演出音樂劇《掌聲響起》，演出經驗豐富的她坦言首次在台上做「獨腳戲」，一個人在台上演出整個騷，是一個重大挑戰，她說：「過往有對手，就算不幸忘記對白都可以靠對手執生，今次就真係一個人，要記對白、唱歌和舞步。」音樂劇以台灣一代歌后鳳飛飛為藍本，焦媛台上會獻唱多首金曲向前輩致敬，她說：「我上網睇番好多有關鳳飛飛嘅資料，佢雖然好出名但個人則十分低調，是一位很出色的歌手。」

冇靠男友上位

焦媛今次會獻唱二十多首經典歌曲，亦聘來著名排舞師Esther排舞，她說：「因為我哋想新意啲，所以會排一啲新穎啲嘅舞步，其中有首仲會好似Michael Jackson舞步咁，所以都要花好長時間去練。」此外，歌曲方面亦有閩南語，亦是她最擔心的一環，她說：「我本身唔識呢種語言，所以要靠拼音死背，但啲音我平時好少接觸到，所以都好考功夫。」焦媛入行多年，坦言過程中經歷過很多風浪，她坦言最令她深刻的，是初出道時受到外界誤解兼批評，指她是第三者、借男友上位，她說：「當時真係好唔開心，人家要講的說話都難聽，同事背後都會講，好在時間證明到我唔係咁嘅人。」

焦媛表示時間證明她是靠自已實力上位。

鳳飛飛生前十分低調。

文：影視組