許珮榆變open 三級no problem
早年投身金融界損手收場的o靚模許珮榆（Diva），今年決定再戰娛圈，簽約新公司成為「混血Ｅ神」林宜芝的師妹；Diva坦言過去的經歷讓她茁壯成長，人也變得開放，又不諱言願意投身三級路，一眾宅男有眼福了！
o靚模許珮榆（Diva）三年前演「四葉草」系列出道，後來轉行做金融，可惜蝕入肉，惟有重出江湖喪搵錢，日前簽了新的模特兒公司，成為林宜芝（Monna）的師妹。她們最近孖住着到鬼咁性感影了輯打碟相，兩女雖然同擁E Cup上圍，但Diva明顯比師姐更搏命，於個人照入面，穿上白色露肩裙的她，露香肩配埋條幾吋長事業線，成功揮低Monna！
性格改變
原來Diva之前曾跟羅仲謙合作，但笑言自己當時在片場很「摺」，非常孤僻不愛跟其他演員交流：「我以前性格好自閉，唔鍾意同人講嘢，反而退隱嗰幾年，自己開始開朗起嚟，成個人變晒，諗法都唔同咗，依家嘅性格仲啱喺呢行發展！」
重新出發後她正密密約見不同導演，希望有機會再拍戲，她揚言絕不介意行性感，好似師姐郭穎兒（Celia K.）般拍三級片亦無問題，底線是三點不露：「Celia拍完套戲好成功，唔係太耐時間已經有好多人識佢，其實湯唯都係因為拍三級片而一炮而紅啦！」
文：專案組